......
....
...
..
..
..
......
....
...
..
..
..
K.O.

......
....
...
..
..
..
......
....
...
..
..
..
Undirsíður
#Bloggið
#MYNDAALBÚM
#GESTABÓKIN
#Jan Mayen-nýjasta nýtt


Stuð-Serían NÝTT!!
Mússík
#On the stick(1.9Mb)
#Stafrænt Helvíti(1.6Mb)


VÍDEÓ
#Simmi vs.hveitið(0.8Mb)
#Náttúruferð(4.6Mb)
#Atlavík(6.3Mb)
#Pedall(6.6Mb)
#Nýji Pedall


linkalingar
#Finnur.tk
#Snjólfurinn
#Magnhildur Ósk
#Hórbjartur
#Esther Ösp
#Fótkell Djákni
#Þóra Elísabet
#Lubbi stuð
#Aldísin
#(H)landmaðurinn
#John Coalstraight
#Óli Rú
#Sveinn El. Loftnets
#FC Höttur
#Valli digital
#Lollelí litla frænka
#Pelsa
#Ingvar"Catapult"Skúla
#The 1&only Björnsson
#Gummi frá Reykjavík
#Andoxíðs-Gazzi
#Lögreglan EGS
#Fólk með Íris
#7bba of 9
#Mavabella
#Reynsluheimur Rúnars
#Stebbi Stuð-stud
#Berglind Brrrrj-ósk
#Skíthællinn Ingi Valur
#Kolbeinn Kapteinn
#Gagna-Fanney
#Görn Slingi


credits
# Blogger

Weblog Commenting by HaloScan.com
......
....
...
..
..
..
......
....
...
..
..
..
29.2.04
Getraun - langar þig á sólarströnd?



Leti mín við að setja inn ný blogg hefur nánast engum takmörkum verið háð upp á síðkastið. Þessi leti mun halda áfram alveg þangað mér dettur eitthvað sniðugt og skondið í hug sem gæti jahh... jafnvel sómað sér vel sem blogg. En allavega, til þess að halda fólki við efnið þannig að ekki detti niður þessi gríðarlega aðsókn sem þessi síða hefur verið að fá upp á síðkastið ætla ég að kasta fram laufléttri getraun.

Spurt er: Í hvaða hæð á maður að vera þegar maður fer yfir FHN18 sem er FAWP punkturinn í GPS RWY18 aðfluginu að BIHN?
Smá hint: Kíkiði á blaðsíðu AD2.24.10.1-1 frá 28.feb 2002 í AIP ICELAND

Rétt svar tryggir vinningshafanum réttinn á stafrænu skutli hvert á land sem er með hvaða flygildi sem er í FS2004, já jafnvel á sólarströnd og alveg eins í gær, áðan eða á morgun eða bara einhvern tímann í framtíð, nútíð eða fortíð í hvaða hríðarbyl eða sumarblíðu sem er því tíminn og veðrið eru afstæð hugtök í vitskertum flugtökum okkar brjóstumkennanlegu agnaragna hinnar stafrænnu hliðstæðu þessarar guðsvoluðu plánetu sem við lifum nú á og höfum kosið að kalla jörð.
Svör óskast í kommentadálkinn hér að neðan.


KO - hefur oft bloggað nördalega en keyrir nú um þverbak og brýtur allar siðferðisreglur í þeim efnum.

-Kristjan 23:22

25.2.04
Hafliða B. Magnússyni finnst kjöt gott



Eins og þessi mynd sannar, en hún var tekin í grillveislu sumarið 2003, eins og sjá má á hárinu á manninum. En hann er greinilega glorsoltinn.

KO - dettur ekkert annað í hug til að blogga um

-Kristjan 13:39

19.2.04
Stiga-stuð

Kona í stuði á Stiga

Hver kannast ekki við sleðana góðkunnu Stiga?(borið fram Stígga) Þetta frábæra tæki sem gerði manni það kleift að alast upp í jafn vel enn meiri glys og glaum en annars. Þau eru ófá ógleymanlegu augnablikin sem maður geymir í hjarta sínu úr Krummaklettunum en þar renndu sér saman tugir ef ekki tylftir barna og unglinga dögunum saman. Frábær tilfinning. Í dag tókst mér að endurheimta smá af þessari tilfinningu þegar við tókum okkur til nokkrir strákarnir og renndum okkur nokkrar ferðir niður Fjarðarheiðina. Það var að vísu svoltið kalt og blautt en tilgangurinn helgar meðalið. Ég var einstaklega hrifinn af brekkunni sem byrjar u.þ.b. við Fardagafoss og liggur svo nánast þverhníft niður einhverja 100 - 200 metra.

Mæli með þessu við hvern þann sem vill endurupplifa barndóminn í sjálfum sér.

KO - barnalegur en samt ekki enn farinn að sofa þótt klukkan sé 01:44



-Kristjan 01:44

15.2.04
Lofgjörð til handa Helga Hóseassyni



Mig langar að lýsa í fáum orðum hrifningu minni á stórsnillingnum Helga Hóseassyni, en ég varð nú rétt í þessu þess heiðurs aðnjótandi að fá að sjá heimildarmyndina sem var gerð um hann. Þvílíkan og annan eins baráttumann hef ég aldrei áður á minni aumu ævi séð og myndin er frábær í alla staði, viðhorf gamla mannsins komast vel til skila og rúmlega það. Ég bara skil ekki af hverju ekki er hægt að gera öldruðum manngarmi það til geðs að breyta einni línu í þjóðskránni. En aftur á móti vil ég ekki að það sé gert, því það mundi þýða það að við hin ættum það á hættu að geta ekki lengur notið þeirrar snilldar sem baráttutækni hans gegn ofríkinu er.
Honum tekst einhvern veginn að beisla hatrið og heiftina sem býr í honum þannig að útkoman eru vel rímaðar níðvísur, gríðarleg orðsnilld og uppátækjasemi sem á sennilega engan sinn líka. "Ofurhugarnir" í Jackass eiga ekki séns. Af mörgum frábærum uppátækjum mannsins er það mitt uppáhald þegar hann tók sig til og stal geðskýrslunni sem var gerð um hann, fjölfaldaði og bauð svo gestum og gangandi í miðbæ Reykjavíkur til sölu. Þvílík snilld!
En hápunktur myndarinnar var þó sennilega þegar hann missti konuna sína. Lá við að ég felldi tár, ég vorkenndi greyinu sem játaði að hafa aldrei verið konunni sinni nógu góður svo mikið. Það er einhvern veginn svo algjörlega grátbroslegt að fylgjast með manninum sem er í einu svo viðþolslaus baráttumaður og aumt gamalmenni. Svo spillir það ekki fyrir að pabbi hans hét Hóseas Björnsson en hann smellur beint inn í Björnsson familíuna góðkunnu.

En það er að minnsta kosti alveg víst að ég ætla að verða svona þegar ég verð gamall!

KO - skráður trúandi á rotið arabakjöt sem skaust til drauganna á himnum með skítogöllusaman eftir að hafa fengið sér bita af steiktum fisk og hunangskex frá strákunum sínum 12.

-Kristjan 22:16

14.2.04
KO the Kid útnefndur mest töff flugstjóri í heimi

Myndin sem um ræðir


KO "the kid" Magnússyni hlotnaðist nú nýlega sá mikli heiður að vera útnefndur mest töff flugstjóri í heimi. Talið er að hann hafi sigrað þessa keppni með þessari mynd sem tekin var af honum við skyldustörf nú nýlega. Í umsögn dómnefndar kemur m.a. fram að hann hafi sigrað þessa keppni með yfirburðum enda ekki margir sem leggja jafn mikla rækt við útlitið eins og "jors trúlí"(dómnefndin var ekki öll íslensk). Í viðtali sem véftímaritið "hotpilots.org" tók við KO nýlega kom fram að þetta kæmi honum í sjálfu sér ekki mikið á óvart enda hafi hann verið að búa sig undir þetta andlega sem og líkamlega sl. ár. Þá bætti hann við: "...ég meina, hver fær staðist mig?"
Þá er bara að bíða og sjá hvort komi fram einhver sem það getur.

KO - egóisti

-Kristjan 19:48

13.2.04
Hvað varð um Alaa Abdelnaby?

Alaa treður með tilþrifum


Hver man ekki eftir hinum skemmtilega og litríka leikmanni Alaa Abdelnaby? Hann vann sér það til afreka að vera einn fremsti maður í stafrófinu sem sögur fara af. En eins og stundum áður þá virðist ég farinn út í of miklar vangaveltur, því þegar ég fór að grennslast fyrir um manninn þá er eins og hann hafi bara horfið af yfirborði jarðar árið 1995, því engar heimildir er að finna um manninn á internetinu eftir það ár.
Hvað skildi hafa gerst? Var hann brottnuminn af geimverum? Féll hann í sprungu á Vatnajökli og ekkert hefur til hans spurst síðan? Var þetta kannski hann sem fannst í Norðfjarðarhöfn um daginn??
Ef einhver hefur svör við þessum áleitnu spurningum þá má sá hinn sami svara hér í kommentadálknum að neðan.

Hér er ferill Abdelnabys:
1991-92 Portland Trailblazers
1993 Milwaukee Bucks
1993-94 Boston Celtics
1995 Sacramento Kings
1995 Philadelphia 76ers


KO - stressaður

-Kristjan 14:28

7.2.04
Undarlegir atburðir eiga sér stað á Jan Mayen


Eitthvað dularfullt er á seyði á eyjunni Jan Mayen, en þar dvelja að jafnaði 18 manns og einn hundur við rannsóknarstörf. Engum er leyft að dvelja á eyjunni lengur en 6 mánuði í senn vegna hættu á geðröskun vegna einangrunarinnar. Til Jan Mayen siglir eitt skip á ári, auk þess sem ein flutningaflugvél af gerðinni Hercules frá Noregi fer þangað með 2ja mánaða millibili. En nú virðist sem eitthvað skuggalegt sé á seyði á þessum annars ágæta stað. Þetta kom í ljós rétt í þessu er ég renndi yfir opinberan fréttamiðil Jan Mayenbúa www.jan-mayen.no Eins og sjá má á þessum myndum virðast eyjaskeggjar algjörlega hafa misst stjórn á sér. Hvað er á seyði? Eru Jan Mayen búar búnir að missa vitið?? Eða eru þeir kannski að plana samsæri gegn vestrænni siðmenningu og reyna að hylma yfir það með fíflagangi?? Eru þeir að þróa gjöreyðingavopn?? Búa þeir kannski yfir gjöreyðingarvopnum?? Veit George W.Bush af þessu????

Hér eru fleiri myndir til stuðnings máli mínu og ættu að lýsa vitfirringunni sem þarna á sér stað:

-1-| -2-| -3-| -4-| -5-

KO - paranoid



-Kristjan 00:02

6.2.04
Jii úú jihh

Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh Jii úú jihh

KO - Jii úú jihhaður

-Kristjan 19:04

5.2.04
Mig dreymdi draum...

...en svo vaknaði ég


Bömmer


-Kristjan 12:02

4.2.04
Áskorun




Hér með skora ég á hvern þann sem telur sig eiga möguleika í mig í mjólkur-og-kex-át keppni. Reglurnar eru einfaldar. Áskorandinn mætir á fyrir fram ákveðinn keppnisstað sem hvorugur aðili getur talið sinn heimavöll, til að viðhalda fullkomnu hlutleysi. Þar mun hans bíða 1 pakki af Frón Póló súkkulaðikexi, auk eins líters af ískaldri mjólk. Á þessum stað mun ég verða mættur með það nákvæmlega sama, þ.e. einn pakka af Póló og líter af mjólk. Síðan mun óháður tímavörður setja leikinn af stað og mun hver sá sigra, og aðeins sá og enginn annar, er á undan lýkur við áðurtilgreindar vörur.

Tekið er við áskorunum hér að neðan í kommentadálkinum.

KO - kexæta

-Kristjan 09:57

2.2.04
Hvað þýðir F?


Ég hef um nokkurt skeið verið mikið fyrir það að velta fyrir mér hlutum úr hinu daglega lífi sem flestir ef ekki allir taka sem fullkomlega sjálfsögðum, en eru það þó ekki endilega í eðli sínu. Einn af þessum hlutum er sá stórskemmtilegi og bráðnausynlegi hlutur lyklaborð sem mörg okkar notumst við á hverjum degi. Ein pæling eru F-takkarnir. Maður nefnilega veit ekkert um það hvernig þeir urðu til... ætli þeir séu afrakstur einhverrar gífurlegrar þróunarvinnu sem gerði það að verkum að þeir urðu 12 í þremur fjögurra hnappa röum sem eru staðsettar í u.b.b eins hnapps fjarlægð fyrir ofan tölustafina og backspace takkann? Eða ætli maðurinn sem uppgvötaði þetta mikla þarfaþing hafi bara verið blindfullur í slæmu ástandi, liggjandi í eigin ælu á sóðalegum strætum New York-borgar, fáandi allt í einu gífurlega mikla vitrun:

"Aha!! Nú veit ég! Ég set þrjár fjögurra hnappa raðir í u.þ.b. eins lykils fjarlægð ofan við tölustafina og backspace takkann! Best að láta þá heita F!!"

Þetta vekur upp margar spurningar sem erfitt er að svara. Af hverju 12? Af hverju eru fjórir í hverri röð? Og síðast en ekki síst, af hverju F?? Fyrir hvað stendur það eiginlega?? Ég er nefnilega með kenningu, og hún nær líka yfir aðra takka á lyklaborðinu s.s. Alt og Alt gr.(sem eru tveir takkar sem gera það sama nema ekki alveg og því ákvað einhver snillingur að bæta gr. fyrir aftan hægri takkann) Svo eru takkar eins og Control, Tab, Caps Lock o.fl. sem allir hafa gagnlegt hlutverk, nema e.t.v. control, eina notagildið sem ég fundið í honum er hans veigamikla hlutverk í hnappaskipuninni control-alt og delete, sem varð vel fræg fyrir margt löngu. En kenningin er sem sagt sú að nöfnin á þessum tökkum sé bara bull og þýði ekki neitt. Máli mínu til stuðnings hef ég aldrei séð hvað control hefur með stjórnun á tölvumaskínunni að gera, en control er jú enska og þýðir stjórnun. Væri ekki sniðugt að hafa það þannig að í hvert skipti sem þrýst væri á þann hnapp færi maður sjálkrafa inn í Control Panel? Á sama hátt hef ég aldrei skilið hvernig setningin "caps lock" getur þýtt að við þrýsting skiptist ástand stafa á lyklaborðinu úr því að vera stórir í litla og öfugt. Og að síðustu bræðurnir Alt og Alt Gr. sem ég bara hef ekki minnstu hugmynd um hvað gæti mögulega þýtt.

"Heyrðu! Við þurfum að hafa svona takka sem lætur mann fara beint upp í file ef músin mundi allt í einu bila. Hvað eigum við að láta hann heita?"

"Alt skal hann heita! og höfum ekki einn heldur tvo svoleiðis takka... en látum hinn heita Alt Gr!"

Gr?!?!? :@

En alltént... þrátt fyrir að lyklaborðið sé mikið þarfaþing þá er ekki endilega allt sem sýnist. Tökum það ekki sem sjálfsögðum hlut því allt er hverfult í heimi hér sem og annars staðar.

KO - nörd

-Kristjan 01:12

......
....
...
..
..
..
......
....
...
..
..
..
Ef ég væri NBA-spjald
KRISTJÁN
ORRI
MAGNÚSSON


BORN: June 18, 1982
Egilsstadir, IS
HEIGHT: 6-2 WEIGHT:180
COLLEGE: M.E.
DRAFTED: Ætli það...
Spjallaðu
Könnun
Rör  
Er rör?

nei

Current Results


Eldri skrif
nóvember 2003
desember 2003
janúar 2004
febrúar 2004
mars 2004
apríl 2004
maí 2004
júní 2004
júlí 2004
ágúst 2004
september 2004
október 2004
desember 2004
febrúar 2005
mars 2005
mars 2006
mars 2007